政壇：政商定格：莊偉茵「無為而治」教仔

呢兩日連環發生子弒父母倫常慘劇，身為家長嘅聞訊無不心酸。尋日喺沙田馬場見到愛沙尼亞駐港名譽領事Matthew林建康同太太黃寧艷，講到教仔心得，育有兩名乖仔嘅佢哋同聲話，千祈唔好強迫小朋友去做唔喜歡嘅事，但不妨鼓勵佢哋多嘗試新事物，發掘個人興趣。

轉頭見到中華電力企業發展總裁Quince莊偉茵同老公黃楚權，同樣有兩個囝囝嘅佢話愛用老子嘅「無為而治」教仔，即係畀足夠空間佢哋發展，但前提係唔可以偏離「尊師重道」嘅原則。另外，佢兩公婆亦都好重視身教。