政壇：政商定格：碧樺依唔想當宅男女神

中巴混血兒嘅Raees碧樺依因關注少數族裔權益，被網民捧為「社福界女神」，但原來佢唔太鍾意人哋叫佢做女神，一聽到「女神」兩個字就扁晒嘴，叫大家最好唔好咁叫佢喎！

點解咁唔鍾意做女神呢？正喺港大社會工作及社會行政學系教書嘅Raees尋日就同一眾宅男解釋，見到靚女就叫做「女神」，其實係一種性別標籤同定型，咁係唔啱o架！提起近日同病相憐「榮升」女神級嘅財經事務及庫務局常秘謝曼怡，Raees仲一副感同身受兼大皺眉頭咁款，對「曼怡BB」被擺上枱深表同情，仲感嘆一句：「咁話晒佢都係AO嚟o架嘛﹗」

唔知佢做咗女神之後，有冇多咗人望佢或同佢影相呢？佢話影相就冇乜，有冇多咗人偷望就不得而知。