政壇:「撈底王」籲小心樓股危機

今年投資氣氛詭異,樓市、股市欲升還跌,散戶睇唔通透,容乜易損手爛腳。日前見到有「撈底王」稱號嘅金融界元老兼慈善家李和聲,梗要搵佢贈兩句。佢話依家香港投資環境「好唔正常」,無論股市或樓市都有危機,呼籲散戶要加倍小心。

早前上海總會喺中環會所同過百名中文大學內地生歡聚。永遠榮譽會長李和聲講起佢多不勝數嘅撈底戰績,佢好輕鬆咁話十年前沙士爆發時,佢主張斥資三千萬元購置兩層會所,結果依家市值點止三億元。佢係港交所前身聯交所嘅創會理事,亞洲金融風暴時,政府首次入市對抗國際炒家,佢間證券公司都被徵召為外匯基金打大鱷嘅股票行之一,喺金融界享有一定地位。

第一手消息請下載on.cc東方互動iPhone/iPad/Android/Windows Phone Apps

李和聲(左二)喺活動中同上海總會理事長王緒亮(中)合照。