政壇：林鄭被噏做「署理港督」

距離西貢碼頭約十五分鐘船程嘅鹽田梓，百幾年前因盛產海鹽而風光一時，但隨着行業式微，鹽田梓自九十年代起沒落荒廢。近排有村民忽然諗起要「尋根」，更成立保育中心恢復鹽田昔日面貌，尋日就搵咗政務司司長林鄭月娥，及同為鹽田梓村民嘅天主教香港教區陳志明副主教出席復修工程動土禮。

不過，主持儀式嘅女司儀唔知係咪太過緬懷過去，期間竟脫口稱呼「署理特首」嘅林鄭為「署理港督」，頓時全場嘩然，好彩見慣風浪嘅林鄭定過抬油冇有怕。相信呢位司儀食咗豹子膽都唔敢公然搞港獨，但香港已回歸十五年，「港督」呢個過氣稱謂要改喇！