SUN搞作：打橫嚟講：港台員工，關你哋忍事呀！

香港電台被批評為「陰陽怪氣」，我絕對贊同，因為，由一個外行不懂傳播學的低級政務官來當「總編輯」，怎會不騎呢妖異？嗱！先讓大家看看現職港台老總的鄧忍光先生前幾日對下屬打算以希特拉造型嬉戲搞笑、娛樂大眾時的指摘：「國際社會不會接受以納粹或希特拉的角色來諷刺時事，因為是等同指控一些人滅絕人性。」（原文是英文）喂！大家睇唔睇得明佢噏乜？小弟我無乜文化，所以唔知佢講乜七！但我知差利卓別靈嘅經典巨著《大獨裁者》就係玩希魔造型的！大佬，讚希魔就話死得啫！但連創作諗吓（即brain-storm），都要「思想交代」寫報告畀你？文革咩？人哋個腦諗乜嘢，關你嘟事咩！噢！真關你「忍」事？

講到關你忍事，咁就真係關港台員工的「忍」事喎！就係因為你班人好忍唔忍，忍埋啲對香港（及香港人）唔住的事，所以，就畀啲「忍樣」粉皮攝咗入嚟，搞到「陰陽怪氣」。香港電台本是一個公營廣播機構，即係由全港市民公帑建造的傳播機構，應為市民服務，給大眾發聲，政治中立，監察政府的陣地，而非政府喉舌傳聲筒，因政府已有一個「政府新聞處」負責，香港電台無需架床疊屋做多餘無聊嘢。香港電台職工應為市民把好關口，對弱能的政務官說「不」，若naive地容忍不公義惡行，即是禍港幫兇，對香港人殘忍。

我在此公開投訴鄧忍光先生粗暴干預港台編輯和創作自主，是有政治任務，而任何公務員皆要政治中立的，佢嚴重違了規，請佢立即下台，還香港市民一個公正的發聲機構。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府