次世代生活圈：吹水除隔膜

集體吹水，彼此激活頭腦，兩名八十後街頭擺陣，兩個紙箱八張櫈，願者坐下，來一場「Free Conversation」，自由吹水，費用全免。他們眼中，城市太吵，太多隔膜，有立場卻無理據；意見多卻零交流。深信與其上街遊行，不如落街吹水，他們盼用對話消除隔膜，以對談確立自我，討論間擁抱彼此思維，真正體現社會多元文化。

入夜，當推銷員、賣藝者攻陷旺角行人專用區賺取生活費之際，Ian與Aston卻自○八年起，逢周五整夜擺檔不收分文。攤檔名「Free Conversation」，開宗明義不為錢，只為一個信念，「我哋想有一個平台，畀唔同聲音自由對話。」

皆因他們發現，社會上不同立場的人鮮有交流，部分人更只是盲目表態。Ian形容：「人講咩你話咩，生吞人哋意見，但係你點解支持、點解反對，問多幾句，就發現原來你無認真諗過。」

同樣讀哲學系出身，他們相信立場愈講愈清晰，於是廣邀路人吹水，座上客由十三至七十歲都有，話題隨他人決定，由宗教政治到剪頭髮，甚至「咩叫女人」，討論過程往往出人意表。

Aston舉例：「有個中四女仔話唔知讀書為乜，傾完第二日，佢竟然叫埋阿媽嚟講前途去向，最後達成共識讀埋中五。」彷彿當上社工，他笑說：「都係佢哋自己傾，我哋最多係推一推。」

最激烈一次是與牧師講信仰，吸引四十多人圍觀，「圍觀嘅人同隔籬交頭接耳，之後仲自己圍圈傾，有內地個人遊行過，又講吓中國基督教運作情況。」Ian憶述，當時街上形成四、五個小組，各自吹水。

話題不同，但最終都演變成探討人生方向，他慨嘆：「香港人生活有好多掙扎，但平日無信心去講，但當有空間講出嚟，大家將件事逐步拆解分析，其實可以突破。」

細心去聽，每個人都有獨立聲音。五年間，Ian與Aston感受最深的是香港多元化的城市氣息，Aston表示：「咩人咩諗法都有，你唔會想像得到。」

Ian與Aston更說自己亦因此而成長，Ian說：「你唔會再一味去挑戰人哋，會接納多啲唔同意見。」燃燒青春，在街上跟陌生人談談情，說說理，跳一支思想探戈，或許也是一種浪漫。