政壇：政商定格：郭炳江打鼓氹長者開心

新地搞嘅愛心慈善活動都幾特別，就係由主席兼董事總經理郭炳江，請二千名深水埗及屯門嘅「老友記」去馬灣公園挪亞方舟食盆菜。席間有長者表演鼓樂吹彈加唱歌跳舞，郭炳江亦被拉埋上台學打鼓，畀在場婆婆讚佢打得好鬼有型。最後有個婆婆仲送咗對DIY嘅戒指畀佢，佢都欣然接受，仲話一隻自己戴，另一隻會送畀佢太太添！

本身係基督徒嘅郭炳江話好似新年咁，係中國人最重視嘅節日，無論係一齊吃飯、互相送禮、派利是，都係一份祝福、一種關懷，佢深深體會到「施比受更為有福」，能夠為他人付出，令別人開心，對自己嚟說係一份福氣。