政壇：政商定格：舖王孻仔投資有一手

有「舖王」之稱嘅「波叔」鄧成波一向投資有道，其孻仔Stan鄧耀昇亦深得爸爸真傳，近年積極協助父親打理地產生意。現年二十七歲嘅Stan入行九年，一講產經就眉飛色舞，佢笑言由細到大爸爸都愛捉住佢講地產，茶餘飯後話題總離不開做生意嘅心得，睇嚟波叔好想傳授全副武功畀佢，繼承衣鉢。

Stan透露家族自○五年開始，已漸將收購地舖模式轉為收購工廈、商場同商廈。佢話活化工廈潛力大，只係發展商唔願配合，因活化之後冇咗地舖同停車場，感覺上好似蝕咗啲位，但係活化工廈呎價倍升，仲好賺。

至於佢年前創辦嘅婚宴統籌公司，未來打算食住龍年生仔潮，撈埋嬰兒攝影，本月將擴建婚宴場地，並正物色舖位開五間分店。