SUN搞作：不是貪官不聚頭

貪曾去完彌撒無幾耐，以為佢咁神心，點知下晝就同老婆竄去台灣，唔通見佢嘅「男神」水扁哥？兩人都係貪污界名「叔」，今次兩家人聚首一堂，難道又有咩大陰謀？Sun搞作同你大揭秘！

「賢弟！你不辭千里，終於來了？」阿扁見到貪曾拖住皮篋，忙趕上鐵欄前道。

「賢兄！細佬我嚟跟你學嘢喇！」貪曾大叫。

阿扁隔住鐵欄執貪曾手問：「賢弟！近來如何，貪多務得吧？」

貪曾笑了笑道：「託您嘅洪福，略有小成！呢箱嘢，係小弟孝敬賢兄嘅！」

阿扁尖聲道：「哎喲！怎麼好意思呢？太客氣了！」口裏說不，眼睛卻不斷打量貪曾的皮篋。

貪曾打開皮篋，只見隙縫間透出黃澄澄的金光，看得阿扁口水直流。

「洗得乾乾淨o架！包無手尾！」貪曾慢慢打開，故作神秘。阿扁心中焦急。

豈料打開之後，阿扁看到的，竟是一堆奶粉罐。「賢……賢弟，你改行做水貨客嗎？」阿扁失望地問。

「唔係啦，家陣限奶令嘛。我係畀條財路你。」貪曾分享他的發財大計：「呢啲空罐，全部洗乾淨搣晒招紙，可以即刻裝啲假貨入去賣o架喇！」

「唉，賢弟！你太愛貪小便宜，不明白貪之大者。」阿扁正色道。

「貪之大者？」

「貪之大者，就是要貪出一片天。」阿扁細數：「肥雞菜心鮑魚茅台雖好，但貪者要胸懷天下，貪威要像卡達菲薩達姆，貪鞋要貪得似馬可斯夫人，貪色就更要拍得上貝盧斯干尼。當然啦，數到貪財，區區在下也算是一傑……」

貪曾卻已睡着，阿扁只好道：「好了，時間差不多了，你走吧。」

貪曾醒來，卻問：「不是你來探我監嗎？」」

阿扁感奇怪，也問：「不是你來探我監嗎？」

「吓！」兩人齊聲。

（完）