SUN搞作：網絡小說：曾係政協妄想

貪曾「雀屎」想做政協係人都知，不過以佢嘅無能同大貪，睇怕都係做唔成！鬼咩，入到去政協周圍呃茅台飲，同班富商玩埋一堆，無貢獻喎，叫人點畀個位你做呀！但係，既然你咁想做，今日就等小編公開你嘅「心聲」，畀廣大市民欣賞吓啦。

看着報紙上的自己，被大家臭罵得連聯合國也知道，周一鑊竟然笑了。他打開了那些年的日記本，更是回味無窮。那是周一鑊、曾雀屎，還有貪斂明三個人，最快樂和最不該的年代。他們的恩怨，源自讀書時的一次班內選舉。

「我今次一定要做到『正協』，坐正協助老師！」曾雀屎得戚地向二人宣布。

「你不過是貪做老師助手，有大把油水撈吧。」貪斂明潑了冷水。曾雀屎被踢爆，只好說：「最多到時畀你個位可以僭建過隔籬啦，不要再說了。」鑑於智商低落，周一鑊聽到他們對話，竟然不大明白，還問：「原來做官有得僭建咁正㗎？我又做！」曾雀屎與貪斂明齊齊笑罵：「廢柴，你學咩人做官吖！」周一鑊不忿，大叫：「挑你！點解我唔做得？我要單挑你！」

曾雀屎也被其傻氣鎮住，於是正色道：「好，我們兩個之間，來場轟轟烈烈的競賽！」貪斂明在旁，也點頭道：「曾雀屎，我全力為你護航！」周一鑊追問：「咁你想點比？」

「格劍！」曾雀屎傲慢地說：「這是男子漢之間，最崇高神聖的比拚！！」

「鏗鏗鏗！」「好長呀！」「你隊到好入呀！」

此時，曾雀屎與周一鑊已大戰了三百回合，兩人廢得不相上下，互相傷不到對方分毫，疲憊不堪。突然，曾雀屎肩上露了個破綻，周一鑊一劍送出，正及肩甲，劍尖卻滑了過去。

曾雀屎狂笑：「哈哈哈！係人都知我出名卸膊，你仲拮我呢度？看劍！」反手一推，把劍刺向周一鑊的胯下，直取要害。豈料周一鑊不格不擋，猶如練過鐵蛋功一般，任曾雀屎連刺多劍，面上竟毫無懼色。「嘻嘻嘻！係人都知我最鍾意翻閹，你仲拮我呢度？」周一鑊也回敬了曾雀屎。

曾雀屎長嘆一聲，收劍在背，說道：「咁格劍落去唔係辦法！要換一換姿勢！」周一鑊也退後幾步，說：「咁我哋增加難度，坐住格劍啦！」貪斂明連忙推出兩張電腦椅，曾周二人坐上後，又再廝殺起來。

「受我致命一擊！」曾雀屎忽然劍氣如虹，向周一鑊天靈蓋劈去。周一鑊抵擋不住，被打成腦殘，口吐白沫。周一鑊瞥見貪斂明在曾雀屎旁閃閃縮縮說：「唔公平！佢有人幫！我要平等機會！」

「唔使爭喇！輪椅都慳番，直接送醫院！」曾雀屎呼喚貪斂明。周一鑊當時心中立誓，就算變殘，哪怕再閹，都要做個大大的廢官。