政壇：政商定格：卓曦文力谷女同事潛能

女性喺現今嘅社會扮演重要角色，唔少公司都趁三八婦女節宣揚呢個訊息，花旗銀行就喺全球八十七個國家舉行咗一百九十項活動，當然包括香港啦，集團亞太區行政總裁卓曦文（Stephen）為本港一連串活動揭開序幕，喺佢親自主持嘅員工論壇上面分享事業成功嘅心得，勉勵一眾女性員工。

Stephen話：「不論性別，要成功就要勇於承受風險，接觸新事物及不斷改進。」，佢仲強調要建立成功嘅團隊，就要發揮每一位成員嘅潛能，現場嘅女員工聽到佢嘅鼓勵之後都充滿鬥志！

另外，第七屆「花旗集團財智星級爭霸戰」終於開幕啦，活動包括理財講座、網上課程等，吸引咗逾五萬七千名中學生參加，花旗發展社區活動真係不遺餘力喇！