政壇：政商定格：趙式和掃零食無懼高脂

早幾日下晝兩點喺中環太子大廈見到名媛Jane趙式和走入一間連鎖生活用品店，一手挽住購物籃，先選購皂液、洗頭水等日用品，然後再走到零食貨架前，毫不猶豫就將威化餅、糖果等零食掃走。

Jane兩年前喺灣仔開設嘅畫廊Galerie Huit（錦藝舫），除咗熱賣中外名家畫作同人像雕塑品外，過去亦多次舉辦大型畫展，將興趣融入工作，且愈做愈投入，相信好多時都廢寢忘餐，買定啲零食儲備醫肚都唔出奇。不過，大家都知威化餅高糖又高脂，但佢依然食極都唔肥，真係要向佢請教吓修身之道喇！