SUN搞作：打橫嚟講：周一嶽，每周一嘟少不了！

前食物及衞生局局長周一嶽任內八年之劣績，禍港的程度，不比貪曾仆街煲呔之下，叫佢做「周一鑊」，意取「每星期孭一大黑鑊」，其實已極度褒獎佢了！

呢條粉皮嘅笨拙事，幾乎日日新鮮鑊鑊甘，所以，佢畀人剷走時，全港市民拍掌勁like，但係呢條冚家中產人士卻在傳媒鏡頭前，公然呼籲話自己好恨「服務市民」，乜七政府工作，佢也願做，如斯契弟之能事都敢死，真係唔要面得好緊要。

嘿！但原來厚顏係有用的，唔知邊班七六居然閹佢返嚟，畀佢主管平等機會委員會，仲做埋主席添！

香港人，點解你哋咁命苦o架？

周一嶽願為港人服務，做乜都肯，以佢嘅能力，其實最啱入食環署做所長，管理公廁就fit到痹嘞！但唔知點解，會有另一班冚家中產嘅粉腸會揀中佢做主席？貪佢夠廢乎？定係要將平機會打造成庸官退休俱樂部？為自己留一後路？真黑箱作業！

那個有六七人的「廢柴」遴選委員會透露，共收到三十六份入職申請，另獵頭顧問公司亦接觸咗九十位可能適合嘅人選，到首輪挑出九件面試；最終決定取錄每周一鑊的最佳人選喎！咁！我有興趣想知嗰一百二十五人，知道自己輸畀呢件窩囊廢時，有無諗過「想死」呢？因為你哋係「廢中之廢」！

周一嶽見記者劈頭叫人不要歧視別人，哦！放心，我哋一定唔會歧視你的！頂多會「嘟」吓咁啦！將來每周一「嘟」少不了！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府