SUN搞作：少膽虫手記：中產辛苦但有鬼得博

少膽虫早幾日有番話，在網上引起軒然大波，想同讀者分享。

「不少人問少膽虫，你在《爛果》請的大學畢業生當記者月薪多少？『大概也是一萬元多些少！』少膽虫答。聽起來何等荒謬，依家大學生跟一個保安員月薪差不多！其實，大家的前途卻不一樣，這位現時月薪萬元的記者，十幾年後月薪可以高達十萬呢！」

少膽虫這番肺話，的確膠出真心。就好似淫賤黎有次同少膽虫交心咁講，「少膽虫，你其實對壹全霉好重要o架。」少膽虫平時講多錯多，當堂受寵若驚，唔識回應。淫賤黎續道：「因為你係用嚟證明，一百個人入面，就算全部廢柴，梗有一個可以上位。」少膽虫有啲唔好意思，「咁對嗰九十九個咪好唔公平？」淫賤黎奸笑：「等佢辛苦吓，以為有得博囉！」少膽虫猶如醍醐灌頂。

正想多謝淫賤黎塞錢入我袋，之前遞咗信嘅阿Kiss忽然入咗房。阿Kiss拎住西餅，陰聲細氣話：「黎黎，我最後一日啦，請你食西餅！」淫賤黎貪婪地伸出舌頭，舔一舔阿Kiss的兩粒草莓，手指夾出一滴汁液，再用口接住。「好臭，壞壞哋。」淫賤黎大嘆：「不過，爛果，我鍾意！」只見阿Kiss走過去，投懷送抱，畀個情深款款嘅Goodbye Kiss佢。「Goodbye Kiss！」淫賤黎依依不捨，雙眼通紅。

少膽虫見到咁，慶幸自己月薪仲係高達十萬，心諗唔係有Kiss主動放棄，都唔知邊度博到呀！