政壇：政商定格：黃敏華望勝打吡創先河

信和置業太子女黃敏華（Nikki）名下愛駒「連利多」，日前獲選出戰下星期日沙田馬場舉行嘅年度香港打吡大賽，Nikki被問到有冇信心成為首位勝出打吡賽嘅女馬主，就謙稱可以參與賽事已經好榮幸，不過，佢匹愛爾蘭嘅四歲自購馬「連利多」，今年初首次出賽就爆冷跑出，出戰僅四次就已經兩度奪冠，確係狀態大勇。

Nikki話，「連利多」係由爸爸黃志祥親自選購，購買時目標已經好明確，就係為咗出戰打吡賽。Nikki自幼已經鍾情於騎馬運動，對馬匹產生咗濃厚感情，做咗馬主之後，更加經常去探望愛駒！已育有一歲愛兒嘅Nikki做咗媽媽之後就忙住湊Ｂ，已暫停騎馬兩年，遲啲時間許可，佢話一定會重拾興趣喎！