政壇：政商定格：仁濟雙傑帶隊訪法國酒莊

仁濟醫院早前舉行周年慈善餐舞會，為幫助在囚人士未成年子女嘅「仁濟明日更生慈善基金」籌募經費，副主席馮卓能（Clement）同總理鮑誠業（Sammy）忙完呢件盛事後，本月底又有一個大活動，就係帶仁濟醫院靚次伯紀念中學嘅學生到法國交流，仲會去酒莊參觀添，Clement擔任校董兼校監，而Sammy就係校董，所以兩兄弟拍住上做領隊。

Clement話，今次行程十幾日，除咗同當地中學生交流外，仲會去靚次伯酒莊（Chateau Lynch-Bages）參觀。Sammy就夠晒頻撲，事關佢去法國前會先同太太去加拿大睇北極光，原來農曆新年佢哋去咗芬蘭、挪威十幾日，諗住見識極光之美，可惜天氣惡劣，失望而回，希望今次去加國可以得償所願。