SUN驚奇：新界打工唔使過海

「我都唔想喺度坐，都覺得唔好睇，亦知阻住人，但無辦法，希望大家體諒！」來港工作不足一年，印尼傭工Defit表示，外出聚會的選擇不多，「我要儲錢，只可以揀低消費地方，喺天橋坐唔使錢，去餐廳坐又貴。」選擇旺角道行人天橋，只因車費便宜：「我喺屯門工作，之前跟同鄉去維園，依家一齊轉嚟呢度，唔使過海，車費慳唔少。」

印傭Dian亦稱，坐天橋是想與同鄉聚會：「我每星期放一日假，梗係出嚟玩，咁啱幾個相熟同鄉都喺新界、九龍工作，旺角喺中間，比較方便我哋聚會！」

旅遊業議會主席胡兆英指出，外傭假日逼爆市區已成香港特色。但她們坐在天橋，必須留一條路給港人及旅客，走時拾回垃圾，以免影響市容及衞生：「從旅遊業角度，外傭坐天橋對旅客未必有負面影響，但佢哋無地方去，唔似內地有咁多面積大嘅露天廣場。」