SUN搞作：黐筋網相：早走早着，咪獻世！

英國廣播公司（BBC）嘅孌童醜聞搞咗咁耐，處理手法真係乏善可陳，怪唔知得日日都畀人鬧到狗血淋頭。

身為負責人之一嘅肥彭，當然要負上責任喇！其實，肥彭最叻嘅，大家都知就係瀨撻o架喇，真係唔明白佢點解可以坐到高層之位。

正所謂人要知進退，既然都做得唔好，唔該就似番個男人咁承擔責任喇，走得灑脫，都算叫對自己、對市民有所交代，但偏偏肥彭嘅面皮厚到死都唔肯落台，可惜依家咪又係有話佢要走，死撐嚟究竟為咩呢？ 搞到今時今日咁，咪仲醜怪！好心佢依家就執包袱，早走早着喇！