政壇:政商定格:郭偉強換眼鏡變老成

立法會會議廳內早前突然多咗個中年議員,睇真啲原來係勞工界郭偉強。但年僅三十四歲嘅佢並唔係工作量大捱到殘,而係換咗眼鏡而變得老成咗十年。佢話之前戴開黑色粗膠框眼鏡,但有日突然覺得個眼鏡太重,於是就攞番六年前嘅冇框眼鏡出嚟戴,話貪個眼鏡輕啲冇咁辛苦喎!

佢又話當年就係戴住呢副冇框眼鏡去選東區區議會,當時啲街坊大讚佢老成又得體,覺得佢相當可靠而選擇投票畀佢喎。佢又講笑話,六年前戴呢副眼鏡都覺得自己老積,但至今年紀都有番咁上下,戴番副一模一樣嘅眼鏡應該差唔多。

第一手消息請下載on.cc東方互動iPhone/iPad/Android/Windows Phone Apps

冇框眼鏡
戴冇框眼鏡嘅郭偉強明顯比戴粗膠框眼鏡老成好多。

粗框眼鏡