政壇:政商定格:稻苗春茗餐飲猛人盡興

匯聚飲食界精英嘅「稻苗學會」日前搞春茗,主席Simon黃傑龍即興來一場「競飲比賽」。為免飲得太多揸唔到車,佢提議將啤酒轉做Jolly Shandy,等大家飲得盡興。

競飲比賽分成三隊,Simon同安記海味董事總經理潘權輝及中華煤氣市務及營業總經理黃維安合組一隊,福苑集團主席盧浩宏、餐務管理協會主席楊位醒等人就組另一隊。競飲唔使五分鐘就分勝負,Simon嗰隊得第三。

最high莫過於抽獎環節。越南餐廳「老趙」太子爺趙祚豪抽中巨型西班牙火腿,佢開心到高舉「隻髀」影相。佢話:「梗係切片食最正喇!」

第一手消息請下載on.cc東方互動iPhone/iPad/Android/Windows Phone Apps

趙祚豪抽中巨型火腿好開心。

黃傑龍(左二)、潘權輝(右)同黃維安(左三)組隊競飲,結果得第三名。