政壇:王浩賢瑞士告狀極慳家

聯合國人權事務委員會今個月就《公民權利及政治權利公約》喺瑞士日內瓦召開會議,例牌上陣嘅除咗白鴿黨主席劉慧卿,民陣亦會就本港警權問題首次派代表出席。

正所謂「同人唔同命」,代表民陣到當地發聲嘅警權關注組召集人王浩賢笑稱冇能力同劉慧卿並肩出征。佢話今次旅費除咗靠民陣籌得嘅血汗錢外,自己亦要掏腰包補貼,莫講話有冇機會「升呢」同劉慧卿入住同一間酒店,自嘲「節儉」上陣嘅佢只負擔得起當地青年旅館四人房嘅租金,完成工作後第二日更要即刻飛返香港,費事留喺當地嘥錢咁話。

警方拘捕及檢控示威者數字近年屢創新高,民陣特別就本港警權問題向委員會提交報告,希望藉是次「告狀」引起聯合國注意並向香港警方施壓,以保障港人遊行示威權利。

第一手消息請下載on.cc東方互動iPhone/iPad/Android/Windows Phone Apps