政壇：孫大倫半退休樂做龍友

中港照相器材主席孫大倫（Dennis）去年九月將上市公司交畀大仔孫道弘接手後，開始佢半退休嘅日子，曾經喺美國做過藥劑師嘅Dennis當年係奉父命返港接手家族生意，不過，佢本身都對攝影有濃厚興趣，唔講唔知佢仲係攝影發燒友添。

Dennis喜歡旅行，記得影相最多嘅一次，係去中東黎巴嫩旅行，四日內狂影二千幾張相。至於影得最開心嘅一次竟然係喺香港，話說有次佢帶外地朋友乘坐直升機，諗住畀好友飽覽香港，點知發現俯瞰香港好靚，於是佢機不離手影足全程。