政壇：政商定格：鄭志明怕飲酒少咗北上

生意場多應酬，新創建執行董事鄭志明（Brian）雖然得三十歲，但已經係多間上市公司嘅董事，喺新創建就負責監督基建業務、合併同收購等，年中經常要周圍飛，雖然北上已經係例行公事，但Brian都忍唔住話，開頭最唔慣嘅係內地飲酒文化，佢都用咗一段時間去適應，當中又以北方飲得勁啲，所以佢話自己就少啲去北方！

除咗內地佢都經常飛日本，Brian話喺美國留學嗰時，日文係佢選修嘅外語，貪日文比較易學同埋用到，雖然畢咗業咁多年，依家Brian嘅日文仍然好使得。Brian就話學語言嘅嘢冇秘訣，唯一就係要經常講同睇，所以佢每年都會飛幾轉日本去練習，順便可以探吓朋友！