政壇：蕭炎坤嫁女低調派喜帖

人生難料，前博愛醫院主席蕭炎坤（Sidney）體會至深，佢嘅外甥女關佩雯同丈夫蕭志文日前魂斷埃及，家人仍未走出哀痛。一向支持慈善嘅Sidney同做過博愛總理嘅大仔蕭文豪（Simon）前晚現身博愛醫院嘅年度晚宴，呢晚Sidney成晚神情凝重，席間見佢低調派帖畀老友，原來係佢細女蕭文玲本月底將出嫁。

問到近排家事紛擾，佢唔想多講，只話要低調，育有一子兩女嘅佢將升任外父，佢梗係好開心，可惜天意弄人。Sidney胞妹嘅女兒及女婿突然遇難，身為舅父嘅Sidney梗係痛心，只望一家人節哀順變。