政壇：政商定格：李書福搞活英倫「黑的」

香港人對倫敦嘅黑色的士印象深刻，吉利汽車早排用一千一百零四萬英鎊買咗陷入財困嘅倫敦黑色的士生產商錳銅，吉利董事長李書福原來已滿腹大計，改革兼改良黑的。

李總話，佢幫錳銅「重整旗鼓」嘅方法主要分為三步；首先就係要將黑色的士嘅車身變輕，咁就可以減少耗油量，同減少排放；之後就係用一種來自富豪汽車嘅先進油混技術，令黑色的士喺保持原有功能嘅同時，達到超低排放。以五年投資期計，大概要一億英鎊。

有「汽車狂人」之稱嘅李書福收購錳銅後，生意已見起色，除上星期已恢復喺倫敦賣車，更加接到分別嚟自沙特阿拉伯及澳洲各二百架訂單。