SUN搞作:打橫嚟講:港人從此再有資格買樓嗎?

有說,香港是個福地!是耶?實則上,香港是個「估佢唔到」的荒誕無倫之怪地!你話唔係咩?世間,哪有一個地方的財金官員想盡方法,去打壓當地市民買樓,同時間,卻沒阻止外來他鄉炒家入市掃貨o架呢?香港政府就係咁嘞!

香港特區的官員,逐個排隊出嚟不知衰、不面紅、不諱言的高喊遏止港人買樓,從不敢叫停大陸佬收韁,或設法守衞「港人港地」,相反,連哼一聲也怕得要死,怕仕途受阻。

嗱!大家不是看到香港政府連番出招後,大陸客買港樓的情況,毫無收斂過嗎?這也難怪,內地黑金實在太瘋狂,無香港呢度幫手「洩洪」,全世界將會更亂。

講實話,香港政府亦無權出聲,誰敢干預國家「內政」?阻人發達?

香港長遠房屋策略督導委員會成員黃遠輝開到口話明,若新措施未能收效,就會再推新辣招,不准樓宇按揭喎!呢個世上,最愛成篋現金現兜兜一炮過科水的,只有強國人床下底私藏的「積蓄」,咁!即係叫香港人唔使旨意上車啦!

有人問,如果香港政府硬推「新辣招」,銀行咪死得?提此問題的,不是腦殘,就係未食藥!唔該擘大雙眼睇吓!香港政府每次出手前,市場上有邊次唔係有人先收到風,早就做嘢o架!只有小市民烚吓烚吓,任人宰割啫!

當四百萬元嘅低價樓,說成是此地窮人嘅恩物時,我只能呼籲大家同我一齊「嘟」嗰啲X街金融決策者全家囉!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps