SUN搞作：黐筋網相：笑甚麼！他們是韓國人！

小編一向都推崇健康飲食，唔鍾意幫襯美式快餐店嘅。聽朋友講外國有不少「快餐店瘋」、「汽水瘋」，每日唔食漢堡包唔飲汽水唔安樂。世上無奇不有，近日就流傳一張勁爆嘅網相，有班韓國人去快餐店用2000蚊韓圜買薯條，仲倒晒落枱一齊食，成個「薯條海」啲薯條多到可以掟死人，蔚為奇觀。

小編就唔明嘞，相中所見，最多都係得嗰十條友，難道佢地個個都係大食王小林尊化身，十分鐘可以KO晒啲薯條？如果最後食剩都係拎去丟，不如捐畀啲流浪漢扶貧啦。大家記得嘛？前幾年香港都有個男人，為咗對抗「快餐霸權」，去快餐店買咗幾百個漢堡包，希望「癱瘓」快餐店生產線咁話喎，最後仲益街坊，拎啲包通街派。一向好欣賞齊澤克嘅小編好支持發掘另類抗爭方法o架，呢位仁兄，就算癱瘓快餐店失敗，都不失為惠澤社群吖！相中嘅薯片網民可以學嘢喎！