政壇：政商定格：朱曦錢立祐包場撐李安

奧斯卡得獎名單昨日揭盅，來自台灣嘅知名導演李安執導嘅《少年PI的奇幻漂流》勇奪大獎。頒獎禮舉行前，台北經濟文化辦事處處長朱曦及港澳台灣慈善基金會主席錢立祐，特登喺本港戲院包場睇戲助陣，仲嗌口號為李安打氣。

呢齣戲有八成場景係喺台灣拍攝及製作，包括喺台中舊水湳機場特別搭建嘅「造浪池」，成為男主角漂流大海嘅主要場景，仲有台北木柵動物園、墾丁沙灘等，十足台灣製作。朱曦話，李安率領嘅攝製隊來自全球二十四個國家，共有一百五十人咁多，佢哋喺台灣住咗十個月，唔止加深咗對台灣嘅了解，仲對當地嘅電影製作技術讚不絕口，話勝過美國多多聲喎！