政壇:咕o臣贈CY 長毛又被趕

蛇年新春活動一個接一個,尋日輪到立法會宴請政府官員,特首梁振英、行政會議成員同一眾政府高官都有出席,議員同高官仲分組玩遊戲。遊戲完後,台下繼續上演長毛梁國雄送「你呃人」咕o臣畀梁振英,結果長毛畀保安拉走,臨走前佢將咕o臣塞咗畀立法會主席先離開。

議員同高官嘅遊戲係互相考大家,參加者要根據官員同議員嘅官方照片同陳年生活照,然後講出相中人嘅姓名、職銜或代表嘅界別。議員隊代表有吳亮星、梁志祥兩位新丁,官員隊就有食物及衞生局局長高永文、商務及經濟發展局局長蘇錦樑同行會成員史美倫應戰。

遊戲中,一啲陳年照片考起議員隊,官場孖兄弟鄧國威、鄧國斌引起唔少誤會,尋日都搞到議員隊答錯,最後官員隊以一分險勝。真係唔知係班議員水皮,定係班官員知名度低喇。

第一手消息請下載on.cc東方互動iPhone/iPad/Android/Windows Phone Apps

長毛喺午宴中揸住「你呃人」嘅咕o臣趨向梁振英,話要送畀佢。