一年一度嘅城中馬拉松盛事今日舉行，往年有唔少立法會議員參加，但部分人唔係臨陣縮沙，就係跑跑吓唔見咗人，今年又點呢？跑咗十幾年全程馬拉松嘅街工梁耀忠，今年將會扮演導盲者嘅角色，因為佢要做領跑員，首次帶領一個失明十幾年嘅男跑手跑半馬賽事。阿忠坦言：「領跑仲辛苦過自己跑！」佢哋之前已練習咗五、六次，佢話領跑係辛苦過自己跑好多，最困難係經常被人碰撞，唔明點解啲健全人士反而跑步唔帶眼喎。