政壇：陳智思跑步量心而為

行政會議成員陳智思（Bernard）一向有做運動習慣，日前下晝四點幾，見佢喺中環ifc商場行入一間美國健康及運動用品專賣店，原來係佢用開嘅一隻運動心率監察手錶冇電，專程去舖頭換電池。

西裝骨骨嘅Bernard行入去，店員隨即好熱情咁招呼佢，雙方有傾有講，睇嚟佢係熟客。其實Bernard自十八歲就患有高安氏動脈炎，過去已多次「通波仔」同「搭橋」，所以有隻心率監察錶，可避免跑步及做運動令心臟負荷過重。

之前過農曆新年，Bernard先飛泰國再過新加坡，事關爸爸陳有慶係泰國華僑，而太太係新加坡人，兩邊都去勻晒，真係照顧周到。