妻：為咗我哋幾辛苦都捱

【本報訊】「佢為人好勤力，為咗我哋，佢講過不論幾辛苦，都唔畀我外出工作，仲話幾辛苦佢都一樣捱得過……」骾喉昏迷的麵包師傅周紹奇，在妻子眼中是不折不扣好丈夫好爸爸，妻子曾計劃外出工作，幫補家計，但遭丈夫反對，認為她需留在家照顧子女。

周妻表示，她與丈夫七年前在廣東汕頭結婚，婚前婚後兩人十分恩愛，「佢為咗畀我同仔女好啲生活，每日工作十幾小時，較一般人多做幾個鐘，但從來沒有怨言」。她透露丈夫每天凌晨三時許起床離家上班，至晚上七八時才拖着疲乏身軀回家，「點解上天要折騰呢個好爸爸……佢可能連命都冇埋？」她又在病房外禱告，祈求上天能聽到她的請求，讓丈夫可以大步檻過。

昨晚七時許，記者致電周妻詢間其丈夫情況，她哽咽地說：「我唔知呀！唔好意思……呢度唔方便講電話！」說罷匆匆掛線，憂心的心情表露無遺。無奈丈夫終難敵死神，撤手而去。