SUN搞作：智弱網聞：港女出沒注意！

港女們為咗釣得金龜，整容易容谷胸ps裝甲，真係無所不用其極。近嚟更加發展到，索性key自己個頭落個索女身到招搖撞騙。最令人髮指嘅係，當你發現上當，佢一句「貨物出門，恕不退換」就收你線。巴打們，小心小心！

是咁的，近嚟網上面流傳住一張索女相，雖然話相中女仔個樣只係普普通通，之但係因為佢身裁勁爆，所以依然吸引咗唔少巴打嘅眼球，話唔使出到法官大人，願意認罪候判咁話喎。不過咁，有網民搜尋到呢個女仔嘅其他生活照，發現只係平平無奇，終於揭發咗原來佢將自己個頭key落去其他人身上。唉，只能說，這世上，騙子太多鳥。