政壇:政商定格:孫穎多人追唔使求姻緣

「鋼琴公主」孫穎喺農曆新年同朋友到越南旅行,佢話當地嘅新年氣氛頗濃,又買咗唔少漆器,店主為求做到生意仲主動大減價,佢話:「老闆好熱情唔好意思唔買,就當振興當地經濟。」孫穎出門前喺花巿買咗一棵桃花,問佢係咪想有姻緣?佢否認:「唔係,報紙話今年桃花貴咗一倍,好多人買,所以湊熱鬧買埋一份。追求者成日都有,但情人難求,因為長時間相處係難事,做朋友好啲,藝術家唔適合婚姻生活,而且我冇準備去做媽咪。」

孫穎透露三月會為有「小鄧麗君」之稱嘅侯小媛開個唱,八月會帶同一百五十名天才兒童到克羅地亞參加音樂會,佢大讚:「小媛係『尋找鄧麗君傳人』比賽冠軍,第一次喺香港開個唱,雖然佢喺香港嘅曝光率唔算高,而且宣傳仲未出,已經賣咗一半飛,反應好好。」

第一手消息請下載on.cc東方互動iPhone/iPad/Android/Windows Phone Apps

孫穎話今年桃花好多人買,所以佢湊熱鬧買埋一份。