政壇:政商定格:鄭家純懷舊金曲伴辦公

好多人都鍾意聽音樂嚟輕鬆吓,聽聞新世界發展主席「純官」鄭家純,間唔中都會喺辦公室聽吓音樂,減吓壓。佢嘅Favourite係乜?原來係懷舊歌曲(Oldies),例如木匠樂隊(Carpenters)。

純官公事繁重,喺自己辦公室聽吓音樂減壓一啲都唔奇,可以令腦筋清醒,做事更加醒神,所以佢辦公室裝咗幾對望落好靚嘅喇叭。

有個老友最近去過佢嘅辦公室,大讚純官個辦公室好樸實,除咗幾對喇叭引人注目外,就係同老竇鄭裕彤、仔仔鄭志剛嘅相,仲有一啲陶瓷、名畫嘅藝術品,最特別就係有個大魚缸。咦!咁如果播住音樂,咪好似「魚樂無窮」囉!

第一手消息請下載on.cc東方互動iPhone/iPad/Android/Windows Phone Apps

純官喺辦公室裝咗幾對靚喇叭聽音樂減壓。