SUN搞作：網絡小說：尋找紅酒的故事

大家可能以為貪曾成日貪埋晒啲小便宜，係又貪唔係又貪。其實，佢係一個有夢想嘅人。話說佢之前喺英國嘅時候，見到人哋英國人咁識歎，又有生活態度，遺傳咗崇洋媚外性格嘅佢，當然睇到兩眼發光，「唉！點解香港人做生做死，就係為咗買一層床都放唔落嘅樓，仲要供幾十年成世幫層樓打工，咁樣公平咩？公平咩？」「唔得，寧我負天下人，莫要天下人負我，我唔要好似其他香港人咁！」

就係呢一念之差，貪曾開始係咪都貪，「貪得一蚊得一蚊」成為咗佢嘅生存法則。

終於，經過多年嘅拚鬥，背負香港第一貪官嘅千古罵名，貪曾終於得嘗所願，可以返到英國老家，用晒全副身家，建立佢嘅「雀屎酒莊」。

貪曾志得意滿，滿心歡喜咁去到自己嘅酒莊，睇住一支支印住佢個樣嘅紅酒，不禁垂淚，「多年嚟嘅忍辱負重，今日終於達成自己嘅理想！」佢好高興咁飲咗啖紅酒，突然發現支酒難飲到差啲嘔出嚟。「頂！點解會咁o架！」釀酒師傅冷冷咁望一望佢，先講：「Sir，你貪小便宜，用埋晒啲cheap cheap葡萄，啲酒唔難飲就假 !」

貪曾望住一倉臭酒，諗起自己為咗呢個夢想變得貪小便宜，無所不貪，點知最後又因為咁而破壞咗自己嘅夢想……再回想起當年唔識貪唔識計算，傻更更咁享受紅酒嘅日子……