政壇：劉江華夫婦為愛犬搬竇

個別問責官員捲入僭建風波，但身為政制及內地事務局副局長劉江華嘅太座，即係廉政公署社區關係處「一姐」穆斐文就話冇有怕，事關兩公婆依家住緊嘅馬鞍山豪宅帝琴灣係租嘅，所以唔會花錢去僭建，二來管理公司對住戶嘅要求好嚴。

點解要搬去新界住？劉太話全港大部分私人樓都唔畀養狗，佢哋又唔想住村屋，搵咗好多地方，終於搵到依家住緊嘅屋苑，可以養佢哋嗰隻魔天使。劉太又話最近好忙，出年就係廉署成立四十周年，依家正籌備拍攝《廉政行動2014》。