政壇：政商定格：孫道弘早為人生定籌謀

中港照相行政總裁Stanley孫道弘三十出頭，就已經喺一家市值近十億元公司擔任掌舵人，仲有一個幸福家庭。問佢人生仲有乜嘢係冇o架？佢望望身邊嘅靚老婆同兩個囡囡，笑笑口話：「我好慶幸自己早結婚同生細路，依家多啲嘢煩，遲啲少啲嘢煩。煩只係喺人生嘅某一啲階段，係遲早嘅分別。」查實佢早有計劃，將來退休嗰時啲細路已經大晒，仲可以有氣有力咁遊歷世界。原來係想早啲搏完早啲上岸，都算係單筍deal吖！

記得佢好鍾意煮嘢食，仲講過以前好享受喺餐廳廚房做嘢時忙到好似打仗嗰種痛快。不過今時唔同往日，佢話：「我有兩個女，唔想要咁緊張嘅生活，二十幾歲嗰時未結婚、未有細路，我係好享受（打仗），依家要過呢啲生活就會太有壓力。」