政壇：政商定格：紀文鳳投身內地治「恐共」

由商界女強人Leonie紀文鳳擔任義務秘書嘅無止橋慈善基金尋日出版新書，佢喺序言中爆料，話自己係土生土長嘅香港人，亦係「恐共」分子，但為咗探個究竟，就親身殺入內地開公司，先發覺內地發展迅速，內地人愈來愈叻，反觀香港就只係識得「食老本」。佢仲叫香港嘅後生仔應該多啲返內地了解一吓咁話。

無止橋慈善基金成立咗五年，Leonie就策劃出版新書《二十四橋明月夜》，記載基金過去五年來喺內地貧困山區興建二十四條便橋嘅故事。新書出版咗四千本，Leonie仲話計劃喺內地出版。咁出書使咗幾多錢？佢就神神秘秘話本書用嘅紙係人哋贊助嘅環保紙，唔係好貴喎！