政壇：戴尚安靠「索油」闖東南亞

民政事務局前常秘李麗娟姨甥Sean戴尚安，繼年前征服非洲最高峰，喚起各界關注地球暖化後，佢喺舊年十月同六名攝製隊人員再以自駕遊方式遊遍東南亞。

佢哋由新加坡出發，經馬來西亞、泰國曼谷等地，再到目的地柬埔寨。最刺激嘅係，佢駕駛嘅越野車，燃料需「自給自足」，唔准去油站入油，所以佢沿途需向餐廳、食肆募捐「萬年油」，最後行到鞋都爛，去逾百間餐廳「索油」。咪睇小黑如墨汁兼攻鼻嘅「萬年油」，經過一部小機器加工提煉，約兩小時便轉化成油渣，足以推動越野車。

返港後，佢繼續做「綠色人」，除崇尚素食，亦拒絕買車，並將於四月舉辦「索油之旅」攝影展，喚醒港人製油改變世界！