政壇：政商定格：鄧耀邦九江煎堆饗親朋

「舖王」「波叔」鄧成波嘅家族人脈鼎盛，其四公子Jason鄧耀邦透露，其家族每年農曆年都好大陣仗，由年初一開始，鄧家上下就要留守喺屋企招待前嚟拜年嘅親朋戚友，足足半個月先完結。

問佢留喺屋企咁耐，會唔會影響工作？佢就話依家互聯網發達，有好多工作都可以安坐家中辦妥，可以一邊招呼客人，一邊打理生意。

祖籍南海九江嘅Jason又話喺農曆新年，家中必備家鄉特色煎堆款客。呢種煎堆係九江特產，並唔係坊間圓身嗰種，而係扁身嘅，但材料就同一般煎堆無異。佢又話以前嫲嫲在生會親手煮煎堆，依家惟有買現成嘅奉客喇！