旺丁旺財 東主送滿月酒

【本報訊】酒樓變產房迎新生命，老闆獲悉「喜事」後非常開心，認為今年一定「旺丁又旺財」，雖然沒有向「蛇女」提供「一世免費飲茶」的大禮，但已送上一圍酒席予家屬擺滿月酒，將來「蛇女」生日或結婚亦可獲得優惠，祝福她一世開心。

部長感動到想喊

龍都酒樓的姓李部長昨坦言，入行三十年第一次遇上酒樓誕嬰喜事，並笑言：「好似睇粵語殘片咁，好搞笑！佢哋仲叫我準備啲熱水，我點知校到幾熱啫？最後都未準備得切，救護員已經到咗！」李本身無兒女，但親歷分娩一刻非常感動，坦言：「好似自己生女咁，有啲想喊！」

「突然」分娩事件雖然驚險，但有時亦會有意外收穫。○七年三月，一名三十一歲內地孕婦偕夫由珠海乘船來港，惟途中突然作動，在船上誕下一名女嬰，船公司向對方送上花籃，並計劃向女嬰送贈永久搭船優惠。