SUN搞作：少膽虫手記：全年傑作回顧

好不容易捱到年尾，少膽虫可以坐實老腫個位，都真係好多謝全公司上下作者全力創作，《爛果》先可以保住新聞界倒數一哥地位。為此，少膽虫打算整番個《爛果》全年傑作回顧。不過走筆至此，少膽虫發現要全部臚列，幾近不可能，因此決定改做《爛果》新聞回顧，會比較方便。而唯一的真新聞，登登登鄧！就係《爛果》賣盤賣唔到喇！恭喜！恭喜！

咁聽日就大年初一，咁啱有個叫「Kiss」嘅新仔鬼祟入嚟少膽虫間房。少膽虫正驚佢想拜個早年逗利是之際，Kiss遞咗封信過嚟，原來想唔撈。少膽虫驚魂甫定，就呻：「你睇吓，依家啲垃圾新人都做A1頭版啦，你仲走咩喎？」

點知Kiss唔知喺邊度拎對鼓棍出嚟，撥一撥長髮，話：「我要嘅係理想！」然後係電腦面前打起節奏，大嗌：「同埋囡囡！」少膽虫忽然醒悟呢個陰陽調和嘅問題，唔怪得養唔熟啦！少膽虫收咗信，一路沉思，一路陪佢行出去。「呢啲係歷史問題。唔通炒咗我，換班囡囡咩？」少膽虫同阿Kiss講，「就好似《爛果》咁，好哋哋，點樣可以唔做爛先？」