SUN搞作：打橫嚟講：吳得掂出招，災難來了！

家長關注組將去夏抗爭運動的經歷匯寫成書。昨日，到電台「宣傳」，被主持人問及對教育局局長吳克儉的印象和觀感時，眾口一詞，指這局長除了不懂香港教育的分內事之餘，連對事物的理解能力也遲鈍庸碌（大意咁話啦！），無人明點解佢可以坐呢個位！

唉！使乜你哋講吖？七百萬港人加深圳居民有邊個唔知吖？如果佢唔係咁廢，就唔叉使下下匿埋林鄭月娥後面，只凸個頭出嚟裝裝吓，更唔會樣樣嘢搞到一Pat屎咁收唔到科啦！

依家，佢又有嘢搞作嘞！

為了配合吳得掂的英明，佢早前話過「大陸雙非孩係香港生力軍」之高見，針對安頓現時喺深圳每日跨境來港返學的學童之未來，佢老人家提出破天荒的計劃，改革校網，讓日漸長大、兼無香港住址的跨境學童於小一派位時，能「分流」到新界各區去，地點可遠及沙田或荃灣，真係遍地開花。

香港學童入學的「正常機制」，是按學生的居住地址所屬的校網劃分，遂令一些香港家長為令子女入得心儀的學校而遷居靠近，家陣，吳局長不按規矩出牌，睇住吖！肯定又是另一劑災難，請林鄭要及早準備，喺身後留個位畀呢件吳得掂「捐」個頭出嚟裝裝貢！

一個唔使問責嘅制度，就會變成一個垃圾站，苦了的是有份出糧嘅納稅人。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府