政壇：政商定格：孫穎想小徒弟快啲拍拖

「琵琶公主」孫穎桃李滿門，年前收嘅徒弟「小鄧麗君」侯小媛一直被鄧麗君嘅粉絲窮追不捨，嚟緊嘅個唱訓練，孫穎就「收埋」佢喺沙田豪宅秘密練歌。孫穎話，有班印尼粉絲最神通廣大：「小媛去到邊，佢哋就追到邊，追足三年。」有男歌迷更瘋狂，每天狂發逾百短訊追求，嚇得小媛急急換號碼。

小媛至今未拍拖，話媽咪管得好嚴，做師傅嘅孫穎卻替徒弟着急，希望小媛盡快拍拖，話咁樣唱情歌一定更有味道喎。小媛父母都係音樂人，一○年參加「尋找鄧麗君的傳人全球選拔大賽」奪冠，一夜成名。依家，佢上台表演已有鄧麗君嘅淡定台風。