SUN搞作：少膽虫手記：《喪報》通渠

近日少膽虫返工囉囉攣，日日經過淫賤黎間房，背脊都標晒冷汗。點解呢？咪就係因為《喪報》周街派都無人拎，派報阿姐見喺街企得耐，又無補水，索性成疊《喪報》掉晒落公廁，可能《喪報》真係太喪，格廁所居然塞咗，仲要畀人打去《爛果》投訴影響市容！

最後少膽虫惟有急Call渠王補鑊，通完渠，渠王醒咗句：「好人有好報！我睇你都係拎番份《好報》學嘢啦！」少膽虫頓時眼冒金星，諗住教訓渠王一鑊，但當佢係褲袋拎出佢同淫賤黎用來曳曳嘅皮鞭出嚟一刻，佢又諗到《好報》受歡迎係人所共知，人哋刮到嘅料，自己做十世都未刮到──呢刻少膽虫拎住皮鞭嘅手一直震，佢面上嘅眼淚亦一直流……

返到公司，少膽虫既耿耿於懷、又憂心忡忡。少膽虫一直都好想做個優秀員工，靠實力上位，做到淫賤黎身邊嘅得力助手，如果今次畀人投訴單嘢畀淫賤黎知道，唔單止老腫不保，話唔定仲會受到比鞭刑更殘酷嘅刑罰！於是，少膽虫每日一邊喺同事前面扮有嘢做，一邊思考點樣籠絡淫賤黎，但求好似肥豪同蘇哥咁，坐直升機服侍老細。

說時遲那時快，少膽虫見到肥豪同蘇哥係淫賤黎間房行出嚟，仲望住佢陰陰嘴笑，少膽虫當堂淆底腳震！要知道肥豪同少膽蟲表面上稱兄道弟，實際上少膽虫喺《爛果》多說話少做事，食飽飯靠老作，之前屈憤蛋歧視大陸人單嘢，都係肥豪幫佢搞掂。肥豪不知幾想搵個機會踢走呢條小虫。辦公室政治，少膽虫心知肚明，又點會唔驚吖。

豈料好戲永遠都在後頭，隔咗一陣，淫賤黎終於叫少膽虫入房。少膽虫感到一股寒氣喺房內傳出，雖然由佢個位到淫賤黎間房，只有十米路程，但佢每步都如履針氈，魂飛魄散。

一入房，決定嚟一招破釜沉舟，不打自招，希望扭轉乾坤：「老……老大！我錯喇！我唔應該畀人拎《喪報》去通渠！係我錯！」淫賤黎聽到，即刻火冒三丈，講咗句：「咩話！你條賤虫！今日肥豪氹得我開開心心，我仲諗住大發慈悲請你食番個爛果，依家你同我除褲！」少膽虫見自己又衰咗，再次流下虫兒淚……