SUN搞作：曾雀屎落難記 死撐求生

反轉豬肚就係屎

貪曾之前死鴨撐飯蓋，死口話自己婉拒政協一職，結果有人爆料，話佢唔係放棄，係唔做住，只不過扮清高咁啫。其實廢柴就係廢柴，有冇為社會貢獻唔係睇你係唔係政協嘅！正如護貪至得力嘅「明顯湯」，就係其中一例喇！

貪曾：飲勝，恭喜你入到圍！

明顯湯：我真係叻仔！

貪曾：明顯係我幫你，你先做到！

明顯湯：唔係啩？我幫你幫得好明顯就真！

貪曾：喂！嗰陣我仲係你老細，就算你想查我都可以唔畀！

明顯湯：你都識講啦，你嗰陣係老細，你依家算條毛？

貪曾：太可惡啦，你同隻熊有咩分別，反轉豬肚就係屎！

明顯湯：有分別！就係我依家得米！而你，輸到得番條底了！

貪曾：錯！我仲有個雀屎荷蘭水蓋！

明顯湯：算啦，你個水蓋遮得前面，遮唔到後面！

貪曾：梗係遮前面啦！個股任你睇！

明顯湯：所謂屁股向天，唔打有罪！到時你個股，肯定仲污糟過豬肚喇。

貪曾：Help！