政壇：政商定格：鄺英志配對宴拼出真味

星級品酒師Peter鄺英志早前同米芝蓮二星酒家行政總廚曾超敬玩Crossover，為星級點心同中菜配襯葡萄汽泡酒。Peter最欣賞以德國一百五十年歷史嘅Rotkappchen Rose Trocken，配上五香燒腩肉同叉燒，盛讚泡沫幼細、略帶單寧嘅汽泡酒，可以突出肉質嘅燒烤味，令人耳目一新。

Peter教路話，靚汽泡酒嘅汽泡幼細度應該拍得住香檳，仲要好似棉花糖咁「綿」。至於飲汽泡酒嘅秘訣，係淺嘗一啖，將酒留喺口腔中耐啲，細味佢優雅嘅果香味。