政壇：政商定格：郎朗攞獎帶動「中國Style」

繼上月喺戛納獲得「法蘭西藝術與文學騎士勳章」後，中國著名鋼琴家郎朗前日再喺柏林獲得第四十八屆德國電視藝術最高榮譽「金相機」獎嘅「年度國際最佳音樂獎」。郎朗喺接過獎項後，親吻個獎座，仲即場演奏一首極具中國風嘅中國曲目《喜洋洋》。呢首曲咁具「中國Style」，當然為在座觀眾帶嚟唔少中國農曆新年嘅氣氛啦！

設立呢個獎項嘅德國周刊《傾聽》（H"ORZU）仲喺漢堡發表評論：「郎朗不僅是一位傑出的鋼琴家與音樂家，他更能用他極富感染力的藝術風格吸引那些非古典音樂愛好者。」

三十歲嘅郎朗喺佢微博上發布話攞咗呢個獎真係好開心。郎朗○六年通過優才計劃成為香港人，但近年長居紐約，佢今次再攞獎，就算唔可以話係香港人嘅光榮，但一定可以話係為中國人增光嘅。