City Parade：聲色藝全
保良董事局成員臥虎藏龍，除咗善心，仲好唱得。早前保良局以歌聲送暖，喺理工大學舉辦咗一場「星光獻愛心演唱會」，一眾副主席及總理齊開金口，為特殊兒童捐助計劃傾力籌款。一個紐約奢華手袋品牌落戶香江，喺中環ifc開設首間專門店。品牌創辦人成名不忘扶助祖家哥倫比亞的傳統工藝及婦女，將色澤新穎的設計，帶上國際舞台。
手袋過江龍：有善心
品牌創辦人Nancy Gonzalez（右）捐出五十萬元幫助香港兒童，千億新抱徐子淇（左）讚佢善心，中為主席及創作總監Santiago Barberi Gonzalez。
家庭樂
名媛榮雪梅（右）新年將北上深圳與家人共度新春，藝人王馨平（左）都爭取時間敍天倫。
好膽識
著名模特兒琦琦喜歡用色大膽嘅手袋。
保良歌聲送暖：高難度
節目籌委會主席蔡李惠莉總理，獻唱一曲《王昭君》，歌曲難度甚高。
首登台
保良局副主席鄭錦鐘首次登台獻畀保良，一曲《舊歡如夢》，引來全場掌聲。
鬆一鬆
莎莎主席郭少明（右）同太太郭羅桂珍（左）一齊嚟拍拖聽歌輕鬆吓。
抵錫女
保良局主席梁寶珠（右）將歌聲化作愛心為特殊兒童籌款，千金林玉茵（左）幾忙都嚟打氣。